Саудиска Арабија демантира дека одобрила убиство на Кашоги

Саудиска Арабија синоќа го демантираше извештајот објавен од САД дека саудискиот принц Мохамед бин Салман го одобрил убиството на новинарот на Вашингтон пост, Џамал Кашоги (1958-2018).

Демантот го објави новинската агенција на владата на Саудиска Арабија, пренесе веб-страницата „Хил”.

„Кралството категорично го негира напишаното во извештајот доставен до Конгресот (САД), а станува збор за убиство на граѓанинот Џамал Кашоги”, беше објавено на Твитер.

Претходно, американската разузнавачка служба објави извештај на четири страници, во кој се наведува дека принцот Мохамед бин Салман ја одобрил операцијата за „фаќање или убивање” на Кашоги во Турција.

„Принцот сметаше дека Кашоги претставува закана за кралството и затоа ги поддржува, доколку е потребно, насилните мерки само за да го замолчи”, се вели во извештајот доставен до Конгресот.

Во извештајот се наведени и имињата на 21 лице блиски до принцот, кои биле вмешани во убиството што се случи во октомври 2018 година во саудискиот конзулат во Истанбул.

Кашоги тогаш влегол во зградата за да ги земе документите за венчавката што му претстоеше, а турските истражители соопштија дека тој таму бил задавен и распарчен. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот