Сари: За две години ќе ги стигнеме Ливерпул и Сити

Маурицио Сари на почетокот од сезоната пристигна со големи амбиции во Челси, напаѓачкиот фудбал што го практикуваше во Наполи да го имплементира и во лондонскиот клуб. Но во последно време, Челси се наоѓа во криза, во последните осум натпревари, победи на само три, со што се зголеми притисокот врз Сари.

– Сигурен сум дека за две сезони ќе ги стигнеме Манчестер сити и Ливерпул, но не сум сигурен дали во тој период ќе бидеме подобри од нив – изјави Сари.

Екипата на Челси моментно се наоѓа на четвртата позиција на табелата со 67 бодови, еден повеќе од Арсенал и три од Манчестер јунајтед со кого денеска игра на „Олд трафорд“. Токму денешниот дуел може да се покаже како одлучувачки за Челси, доколку останат непоразени, имаат големи шанси да го освојат четвртото место и следната сезона да играат во ЛШ.

– Премиер лигата е одлична и би сакал да останам подолг период тука. Сакам да останам во Челси бидејќи интензитетот на игра е неверојатно висок, атмосферата на стадионите е фантастична. Кога дојдов во Наполи, во првата сезона заостанувавме 24 бодови зад Јувентус и секоја година постојано ја намалувме разликата, дојдовме до девет бодови, па до шест и во третата сезона само на четири бодови заостаток.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот