Откако му пропадна можноста да седне на клупата на Рома, Маурицио Сари, едвај чека да се врати на тренерската работа и поради тоа започна преговори со два премиерлигаши, Тотенхем и Арсенал, јавуваат италијанските медиуми.
Прв кој разговараше со агентот на Сари е Тотенхем и тоа откако му беше врачен отказ на Жозе Мурињо.  Претседателот на Тотенхем, Даниел Леви, го постави Рајан Мерсон за привремен менаџер на екипата до крајот на сезоната, но за следната сака на клупата да седи токму Сари.
Но, сега во трката за Сари се вклучи и Арсенал чие раководство сè уште размислува дали да го остави Микел Артета на клупата и наредната сезона.  Тоа ќе зависи дали Арсенал ќе обезбеди пласман во финалето на Лигата на Европа, а воедно и дали и следната сезона ќе игра во европските купови.

Ова значи дека Сари сигурно се враќа во Премиер лигата каде работеше само една сезона, 2018/19 и триумфира во Лигата на Европа, по што се врати во Серија А и потпиша договор со Јувентус. Во единствената сезона на клупата на „старата дама“, Сари ја освои титулата во Серија А, но елиминацијата во осминафиналето во Лигата на шампионите од Олимпик Лион му пресуди и доби отказ.