Сари е веќе отпишан, Јувентус го контактира Покетино
Само еден ден по елиминацијата од ЛШ, италијанските медиуми јавуваат дека челниците на Јувентус разговарале со Маурицио Покетино.
Италијанските медиуми јавуваат дека Јувентус веќе го отпиша Маурицио Сари и ја започна потрагата по нов тренер за наредната сезона. Челниците на „старата дама“ претходно му порачаа на Сари дека титулата во Серија А не му е гаранција дека и наредната сезона ќе седи на клупата и дека условот за тоа е елиминација на Олимпик Лион во ЛШ и пласман на завршниот турнир во Лисабон.
Juventus make contact with Pochettino? https://t.co/03DEY0yVW7
— Juventus News – JuveFC.com (@JuveFCcom) August 8, 2020
Но, вчерашната победа од 2:1 не беше доволна за Јувентус, „старата дама“ е елиминирана и веќе го контактирале првиот кандидат за наследник на Маурицио Сари.
Челниците на Јувентус веќе остварија разговор со Маурицио Покетино кој по отказот од Тотенхем во ноември минатата година е без работа.
Но, освен Покетино, претседателот на Јувентус, Андреа Ањели сака да разговара и со Зинедин Зидан кој има цврст договор со Реал Мадрид кој исто така доживеа елиминација во ЛШ.