Иако деталите за сценариото за новата сезона на серијата „Сексот и градот“ сè уште не се познати, главната актерка Сара Џесика Паркер потврди дека новите епизоди ќе ја прикажат и пандемија на коронавирусот, пишува „Variety“.

Во интервју за „Vanity Fair“ минатата недела, Паркер истакна дека едвај чека да го види комплетното сценарио за новите десет епизоди од серијата.

–Сценариото е разновидно, епизодите ќе бидат многу возбудливи. Сценаристите долго време не размислуваа дали да го вклучат појавувањето на коронавирусот во приказната, но дејството на серијата се одвива во Њујорк, каде што пандемијата на коронавирусот беше многу силна , рече актерката.

Да потсетиме, во новите епизоди ќе се појават Сара Џесика Паркер, Синтија Никсон и Кристин Дејвис. Секоја од нив ќе заработи нешто повеќе од милион долари по епизода, што значи дека ќе заработат повеќе од десет милиони долари за целата нова сезона.