Санкционирани 491 возач за пребрзо возење на територија на државата

Полиција/ фото: МИА

Министерството за внатрешни работи во текот на вчерашниот ден на територијата на државата санкционирало 491 возач поради возење со брзина поголема од дозволената.

Како што соопшти МВР, од нив 90 возилa се движеле со брзина над 50 километри на час повеќе од дозволеното, а 15 возила се движеле со дури над 70 километри на час повеќе од дозволената брзина. Притоа, 195 возачи ја пречекориле брзината во населено место, а 296 надвор од населено место.

Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, велат од МВР.