Самуел Ето осуден на 22 месеци затвор
Поранешниот фудбалер на Мајорка, Реал Мадрид и Барселона и на камерунската репрезентација, Самуел Ето, е прогласен за виновен за затајување данок во Шпанија и е осуден на 22 месеци затвор.
Сепак, актуелниот претседател на Фудбалската федерација на Камерун нема да оди во затвор бидејќи според законите, сите казни помали од 24 месеци или две години не се издржуваат зад решетки.
Ето призна на судењето дека избегнал да плати данок во висина од 3,8 милиони евра.
– Ги признавам фактите изнесени од обвинителот и ќе си го платам долгот, но сакам да нагласам дека во тоа време бев само дете и дека тогаш го правев само она што мојот агент Хозе Марија Маселес, ми рече да работам – изјави Ето.
Покрај оваа казна, Ето доби и условна казна од една и пол година.