-1 C
Скопје

Самсоненко дигна раце и од ФК Вардар

Клубот ќе му биде вратен на град Скопје.

Рускиот бизнисмен Сергеј Самсоненко денеска ги шокира сите фанови на најтрофејниот фудбалски колектив во Македонија, по шест години си заминува од Вардар.

Самсоненко оваа шокантна вест за фановите ја објави на официјалната интернет страница на Вардар, каде како главна причина ги наведе финансиските проблеми и го враќа клубот на градот Скопје од кого го презеде пред шест години.

Претходно Самсоненко дигна раце и од двојниот европски шампион РК Вардар кој му го врати на Михајло Михајловски кој пак веќе наголемо се подготвува за наредната сезона.

Целото соопштение на Сергеј Самсоненко ви го пренесуваме во целост:

Почитувани,

Со превземањето на АД ФК Вардар Скопје во 2014 започнавме со реализирање на визијата да изградиме респектабилен и успешен фудбалски клуб. Со вложување на значајни финансиски средства, огромен труд и енергија во изминатите 6 години се стремевме кон остварување на врвни спортски резултати.

Прочитајте и...  ВИДЕО: Конго го има најдебелиот ракометар

Освоивме 3 титули во ПМФЛ и успеавме да се пласираме во Лига Европа во 2017 година , пласман кој ќе остане запаметен во спортската историја на државата. Пред нас беше и освојувањето на четвртата титула во домашното фудбалско првенство.

Но, наспроти нашиот труд и посветеност беа и потешкотиите за одржување на клубот од финансиски аспект со кои јас лично, секојдневно веќе втора година се соочувам.

Во неколку наврати ја информиравме и јавноста дека финансирањето на клубот претставува голем товар и дека истиот е многу тешко да се издржи бидејќи бев директно погоден финансиски со обидот за нелегално и криминално преземање на мојот објект во градба во центарот на Скопје кој требаше да биде главна финансиска поткрепа на спортските колективи.

Прочитајте и...  ПСЖ бара помош од држвата за плати за вработените, а на Покетино му дава осум милиони евра годишно

Правната постапка за спорот е во тек, искрено се надевам и верувам во надлежните институции кои треба да ја докажат правдата и се надевам на позитивна разврска на целиот случај. Покрај тоа, дополнителни потешкотии во финансирањето се создадоа и поради пандемијата на Ковид – 19 од која сериозно е погоден целиот свет.

Поради овие причини кои веќе се надвор од моја моќ и контрола не сум повеќе во можност да ги исполнувам финансиските обврски и со цел да ја заштитам иднината на еден од најголемите спортски брендови ФК Вардар принуден сум да го вратам овој клуб на Град Скопје.

Искрено верував во својата визија и во визијата на сите играчи на клубот, во сите тешки моменти не водеше љубовта кон спортот и желбата за постигнување на нови успеси. Заедно постигнавме многу, но за жал околностите се такви што јас морам принудно да се повлечам од оваа приказна. Воедно, ја информирам јавноста дека ги преземам сите веќе достасани обврски на клубот со цел да го отворам патот за новите, идни инвеститори кои искрено посакувам и се надевам дека ќе успеат во иднина да го задржат успешното функционирање и реномето на клубот кои ние го изградивме во изминативе години.

Прочитајте и...  Не е нормално Милан да не игра во Лигата на шампионите

Спортски поздрав,
Сергеј Самсоненко

Поврзани вести

Клоп му одговори на Клатенбург: Не поседувам вештини за психолошки игри

Слободен печат

Ѓоковиќ ќе го собори рекордот на Федерер, АТП ги менува правилата

Слободен печат

ВИДЕО: Јанис го доби европскиот дуел против Дончиќ

Слободен печат

СП Египет: Рутински победи на Данска и Унгарија

Слободен печат

Евролига: Изненадување во Пиреја, Фенербахче зареди со победите

Слободен печат

ВИДЕО: „Дерби дела капитале“ во знакот на Лацио

Слободен печат

Остави Коментар