Ѓоковиќ моментно е на бројката од 17 титули на грен слем турнирите, додека пред него се само Рожер Федерер со 20 и Рафаел Надал со 19 титули од најголемите тениски турнири, а Пит Сампрас се наоѓа на четвртото место со 14. трофеи. Токму поради бројки, во последно време се води голема полемика за тоа кој е најдобриот тенисер на сите времиња и колку грен слем титули ќе освојат Ѓоковиќ, Надал и Федерер.

– Новак и Рафа се помлади од Рожер за кого а никој не знае уште колку долго планира да игра. Доколку Новак игра уште пет години како и Рафа Надал, и двајцата лесно ќе ја поминат границата од 20 грен слем трофеи – изјави Сампрас во разговорот со поранешниот британски тенисер, Тим Хенман.

Фаворит на Британецот во трката во највеќе грен слем титули е токму Ѓоковиќ.
– Се согласувам дека Рафа и Новак имаат предност пред Рожер бидејќи се помлади. Но, Надал имаше далеку повеќе проблеми со повредите. Додека кога ќе ја погледнете градбата на Новак, годините и колку е доминантен, тешко е да го победите во пет сета. Морам да го издвојам Ѓоковиќ – истакна Хенман.

Federer. Nadal. Djokovic.

Who will finish with the most Slams?

Pete Sampras gives his opinion with Tim Henman on the @ATPChampions Legends Live series ? pic.twitter.com/tSGbWQAwBm

— ATP Tour (@atptour) September 1, 2020

Неговото мислење го дели и Сампрас.
– Тој победува секаде, со респект кон Рожер и Рафа, доколку Новак остане физички и ментално подготвен во наредните две-три години, може да го направи тоа – заклучи Сампрас.

Ѓоковиќ има шанса да дојде до 18. грен слем трофеј на УС Опен, а по победата над Дамир Џумхур, нареден протвник ќе му биде Британецот Кајл Едмунд. Надал и Федерер не играат во Њујорк, Швајцарецот ја заврши сезоната поради двојната операција на коленото, додека Шпанецот поради страв од коронавирусот остана во Европа да се подготвува за Ролан Гарос кој стартува на 27. септември.