Самостојниот синдикат за здравство најостро ги осудува нападите врз докторите – Слободен печат
ВестиМакедонија

Самостојниот синдикат за здравство најостро ги осудува нападите врз докторите

Од Синдикатот напоменуваат дека напад на вработен во здравствена установа е напад на службено лице, единствено овластено за вршење здравствена дејност.

Самостојниот синдикат за здравство, фармација и социјална заштита денеска преку соопштение ги осуди нападите на докторите, медицинските сестри и другите вработени во здравствените установи. Бараат од надлежните поголема заштита и заострување на казнената политика на секој оној што ќе се обиде вербално или физички да нападне вработен во здравствена установа.

– Најостро ги осудуваме нападите на докторите, медицинските сестри и останатите вработени во здравствените установи што деновиве зачести и по Клиничката болница во Тетово, имаме нов немил настан во Универзитетската клиника по хируршки болести „Св.Наум Охридски” – Скопје, се вели во соопштението.

Вработените во здравствените установи, како што се наведува, извршуваат една од најхуманите професии, спасувајќи човечки животи и никако не смееме да дозволиме нивните животи да бидат изложени на опасност.

Од Синдикатот напоменуваат дека напад на вработен во здравствена установа е напад на службено лице, единствено овластено за вршење здравствена дејност. Бараат од надлежните поголема заштита и заострување на казнената политика на секој оној што ќе се обиде вербално или физички да нападне вработен во здравствена установа.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close