Албин Курти ќе раководи и со Движењето Самоопределување и со Владата, после именувањето како нов премиер на Косово. Такво нешто, Статутот на партијата не му го дозволува, но спред КТВ, членот кој му забранува на Курти да ги обави двете должности ќе биде сменет.

Во членот 73 од Статутот на Самоопределување се вели:

“Ако претседателот на Движењето Самоопределување биде избран за премиер, тој треба да поднесе оставка од позицијата на претседател на Самоопределување“. Во врска со промената што треба да се направи во Статутот, КТВ, веќе две недели се обидува да добие одговор од Движењето Самоопределување, но досега нема добиено никаков одговор.

Инаку денеска немаше средба меѓу претставниците на Движењето Самоопределување и Демократската Лига на Косово за формирање на новата влада. Разговорите веќе траат извесен период, но никако да се дојде до договор. Позицијата на Претседател на државата е точката што ги дели двете страни.