Само вакцинирани навивачи ќе може да има на натпреварите на СП во Катар, вакцинацијата ќе биде задолжителна и за фудбалерите?!
Организаторот на Светското првенство во Катар 2022 година, Катар веќе објави дека само вакцинирани навивачи ќе може да присуствуваат на стадионите идната година кога ќе се игра Мундијалот, а истото ќе се обидат да го воведат и за фудбалерите, пишува Атлетик.
Организаторот веќе разговара со Светската фудбалска федерација (ФИФА) за задолжителна вакцинација на сите фудбалери кои треба да настапат на СП идната година.
Но, ваквиот став, односно барање на организаторот, може да му донесе проблеми во вид на отсуство на одредени фудбалски ѕвезди кои одбиваат да се вакцинираат против коронавирусот, и се подготвени дури и да го пропуштат настапот на Мундијалот, што на никого не му оди во прилог.
Катарските власти објавија дека веќе вакцинирале 82 проценти од вкупниот број на жители и моменто водат интензивни разговори со ФИФА и здравствените експерти за изнаоѓање на решение кое нема да и наштети на ниту една страна за време на Мундијалот.