Халанд првиот дел од сезоната го помина во Салзбург, додека од јануари е член на Борусија Дортмунд и не престанува да ги воодушевува фановите.

Халанд со „милионерите“ потпиша четиригодишен договор, но неговиот менаџер Мино Рајола успеа да вметне клаузула со која одличниот напаѓач може да си замине доколку пристигне понуда тешка 75 милиони евра.

Според англискиот „Мирор“, Халанд најверојатно само една полусезона ќе го носи дресот на Борусија Дортмунд и на лето ќе се пресели во Премиер лигата. За него голем интерес пројавува Манчестер сити кој е подготвен да ја плати откупната клаузула,а во Халанд ја гледаат идеалната замена за Серхио Агуеро.

Се очекува Сити да има огромна конкуренција на потписот со Халанд бидејќи сите најголеми европски екипи како Јувентус, Барселона, ПСЖ, Баерн Минхен, Реал Мадрид, Челси, Манчестер јунајтед, се заинтересирани за неговите услуги.

Халанд во досегашниот дел од сезоната одигра 27 меча вкупно за Салцбург и Дортмунд, а притоа постигна дури 36 голови во сите натпреварувања.