Само една лажица мед дневно го намалува холестеролот и го зајакнува имунитетот
Освен тоа што е одличен додаток во исхраната, но и состојка што се почесто е составен дел од низа козметички препарати, медот и неговите лековити својства имаат значително влијание и врз заштитата на целокупното здравје. Со него значително ќе го зајакнете имунитетот, ќе го подобрите помнењето, ќе го намалите вишокот на килограми, а ќе го намалите и нивото на стресот.
Доколку медот го користите буквално секој ден, но се разбира во умерени количини, ќе ги почувствувате сите подолу наведени придобивки по сопственото здравје.
Ја чисти кожата
Медот чисти, заштитува, но и лекува рани, а за нега на кожата се користи насекаде во светот. Во составот на медот се наоѓаат протеини, хидроген и глуконска киселина која има моќ да ги лекува ситните ранички насекаде во телото. Неговите аминокиселини имаат моќ да го обноват ткивото и ги одржуваат вашите поткожни влакна цврсти и здрави. Покрај тоа, медот е богат и со мелатоним, кој има функција дополнително да го опушти организмот за време на спиењето и кој, меѓу другото, помага кожата да биде здрава, затегната и сјајна.
Детоксикација на целото тело
Нашето тело секојдневно е изложено на огромен број токсини што ги внесуваме преку храната, водата или, пак, воздухот. Токму за да ги отстраниме штетните материи од организмот што сме ги внеле на ваков начин, многу ќе ни помогне секојдневното внесување на една лажица мед. Најдобро е тоа да го правите рано наутро, веднаш штом ќе се разбудите. Медот е полн со флавоноид, кој помага да се одржи рамнотежата на слободните радикали, токсини и антиоксиданти во телото, кои понатаму водат до оштетување на ткивата.
Ја подобрува атлетската кондиција
Медот во својот состав изобилува со нутритивни карбохидрати што многу помагаат во одржувањето на кондицијата кај спортистите. Имено, исхраната богата со нутритивни карбохидрати многу помага во моќноста и во издржливоста што, пак, помагаат за поголем интензитет додека траат вежбите и тренинзите.
Го намалува вишокот килограми
Иако за многумина медот со сите калории што ги поседува во својот состав и не изгледа како добар сојузник во слабеењето, тоа ниту од далеку не е така. Всушност, тој многу ќе ви помогне да го намалите непосакуваниот вишок килограми. Истражувањата на оваа тема многупати досега покажале дека консумирањето мед во замена за производите што можат да се најдат на пазарот, а се полни со сахароза, има подобро влијание и резултира со намалување на вишокот килограми.
Го намалува мамурлакот
Една студија околу придобивките што ги има човекот кој јаде секојдневно мед, покажала дека тој помага во детоксикација на организмот по долготрајно консумирање алкохол. Па така, една лажица мед во комбинација со една банана важи за најдобар појадок доколку минатата ноќ сте претерале со консумирање поголема количина на алкохол и утрото сте мамурни и не можете нормално да ги извршувате вашите обврски.
За поквалитетен сон
Една од најстарите методи што се користи за подобрување на сонот и за полесно заспивање е токму јадењето една лажица мед пред легнување. Топлото млеко или чајот од камилица во комбинација со медот, ќе ви го подобри расположението и целосно ќе ви ги опушти мозокот и мускулите така што вие веднаш ќе му се предадете на сонот.
Ги намалува анксиозноста и стресот
Токму поради тоа што медот поволно дејствува на опуштање на организмот, тој е одличен сојузник и во борбата против стресот и анксиозноста.
Го намалува холестеролот во крвта
Зголеменото ниво на холестерол во крвта може да остави трајни последици врз здравјето бидејќи може да биде причина за појава на срцев или мозочен удар. Затоа, редовната консумација на мед го овозможува зголеменото присуство на глукоза во крвта, која пак помага во намалувањето на нивото на холестерол и триглицериди во крвта.
Го зајакнува имунитетот
Медот е полн со антиоксиданти и има многу антибактериски својства. Токму тоа него го прават најдобра намирница што ни ја дала природата и со која ние значително самите на себе можеме да си помогнеме во зајакнувањето на имунитетот.
Го намалува кашлањето
Дали ви е позната комбинацијата на мед и на лимон? Доколку не сте се обиделе кога ќе ве заболи грлото да измешате мед заедно со сок од лимон, и на тој начин самите да си го лекувате болното грло, време е да започнете да го правите тоа веднаш, и тоа пред да започне сезоната на настинки и грип што ни претстои.