Само еден пациент позитивен на коронавирус се лекува во болницата „8 Септември“
Директорот на градската општа болница „8 Септември“ Христијан Костов на ТВ 24 потенцираше дека болницата е одредена да влезе во борбата против новиот коронавирус.
Како што информираше Костов, направена е реорганизација и прераспредеба на персоналот со цел да се искористи во таа борба, а целокупниот ресурс на болницата е ставен во служба. Реорганизацијата ќе служи за пациенти со потребен инвазивен третман или со високо или ниско суспектни на вирусот. Останатите пациенти кои се се јавиле во тријажниот центар ќе бидат прегледувани, каде ќе се утврди дали се суспектни на вирусот.
– Имаме пациент, ние имаме пациенти и ќе имаме и тоа не не плаши. Спремни сме да ги прифатиме позитивните пациенти. Од 30 досега тестирани, само кај еден е добиен позитивен резултат. Со оглед дека му беше потребна хируршка интервенција, пациентот е префрлен на Инфективната клиника. Кај другите резултатите беа негативни – рече Костов.
Кај медицинскиот персонал не е регистриран позитивен на тестирањата. Ако се зголеми бројката на новозаболени, тогаш ќе се зголеми и обемот на капацитетот на работа, посочи Костов.