Салих: САД се партнер на Ирак во војната против Исламска држава

На средбата со Трамп, ирачкиот лидер рече дека „времињата на Блискиот исток се предизвикувачки и тешки”.

Соединетите Американски Држави и Ирак треба да ја продолжат заедничката мисија за борба против терористичката организација Исламска држава, изјави ирачкиот претседател Бархам Салих.

– Нашите односи се постојани, САД се партнер на Ирак и во војната против Исламската држава, рече Салих пред средбата со американскиот претседател Доналд Трамп за време на Меѓународниот економски форум во Давос.

„Мисијата треба да биде исполнета и мислам дека вие и јас ја делиме визијата за стабилен и суверен Ирак, кој е во мир со себе и со нашите соседи”, му рече Салих на Трамп.

На средбата со Трамп, ирачкиот лидер рече дека „времињата на Блискиот исток се предизвикувачки и тешки”.

Ова беше прва средба на Салих со Трамп, по убиството на иранскиот генерал Касим Сулејмани и лидерот на ирачката шиитска милиција Абу Махди ал-Мухандис во Багдад на почетокот од овој месец.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот