Салернитана не се појави за мечот против Удинезе и Несторовски
Денеска од 18.30 часот во рамките од 19. коло во италијанската Серија А требаше да започне натпреварот помеѓу Удинезе и Салернитана.
Домаќините во текот на денот го најавија новиот лигашки меч во првенството и дека во својот состав на клупата за резерви повторно го имаат македонскиот напаѓач Илија Несторовски.
Првите луѓе на италијанскиот фудбал потврдија дека овој меч не стартуваше од предвидениот термин, односно екипата на Салернитана не се појави на теренот во Удине за одигрување на натпреварот. Главниот судија на „Дачија Арената“ чекаше 45 минути според правилникот, но гостинските фудбалери ги немаше на стадионот.
Уште во изминатиот период излегоа информации дека на Салернитана ѝ се заканува исфрлување од лигата.
The match #UdineseSalernitana was not held due to @OfficialUSS1919 failing to show up#SerieA💎 #WeAreCalcio pic.twitter.com/Ubg1qCRSlq
— Lega Serie A (@SerieA_EN) December 21, 2021
Клубот е во косопственост на сопственикот на Лацио, Клаудио Лотито, а според правилата на италијанската федерација, не е дозволено два клуба во еден натпреварувачки ранг да имаат ист сопственик.
Од федерацијата, поточно нејзиниот претседател Габриеле Гравина потврди дека Салернитана ќе биде исклучена од Серија А доколку до 31 декември не го промени сопственикот.
Come da regolamento l’arbitro Camplone ha atteso 45’ minuti.
La #Salernitana non è presente alla Dacia Arena.
•••
The referee waited 45 minutes, as per the regulations. Salernitana are not at Dacia Arena.⚪️⚫️ #ForzaUdinese #AlèUdin #UdineseSalernitana pic.twitter.com/wAxlj7SBKY
— Udinese Calcio (@Udinese_1896) December 21, 2021
