Салах ја игра последната сезона во Ливерпул?!

epa08893327 Mohamed Salah of Liverpool ahead of the English Premier League soccer match between Crystal Palace and Liverpool FC in London, Britain, 19 December 2020. EPA-EFE/Adam Davy / POOL EDITORIAL USE ONLY. No use with unauthorized audio, video, data, fixture lists, club/league logos or 'live' services. Online in-match use limited to 120 images, no video emulation. No use in betting, games or single club/league/player publications.

Мохамед Салах во последно време не е задоволен во Луверпул, наводно не е во добри односи со менаџерот Јирген Клоп, а тензијата дополнително беше крената во соблекувалната за натпреварот со Митјиланд во Лигата на шампионите.

Имено, Салах очекуваше тој да ја добие капитенската лента, но таа заврши на раката на Трент-Александер Арнолд.

Минатата сезона Салах беше незадоволен од соиграчот во нападот Садио Мане, како и со Клоп, но тоа не се одразува на игрите на теренот како минатата така и оваа сезона во која е прв стрелец во Премиер лигата со 13 постигнати голови.

На натпреварот против Кристал Палас, на Салах не му се допадна тоа што беше на клупата за резервни играчи, а кога влезе во игра постигна два гола но според говорот на телото, тој е незадоволен и тоа го тврди неговиот поранешен соиграч од египетската репрезентација, Мохамед Абутрика.

– Да, Салах сака да си оди, но за тоа се прашува Ливерпул. Салах не е фудбалер кој своето незадоволство нема да го изрази на теренот, но во односите помеѓу него и Ливерпул има уште проблеми и за нив нема да зборувам јавно. Беше многу разочаран против Митјиланд, но ги прифаќа одлуките на својот тренер – вели Абутрика кој додава дека следната дестинација на Мохамед Салах ќе биде шпанската Ла Лига.

– Доколку Момахед игра за Барселона или Реал Мадрид на ова ниво, тој би ја освоил златната топка. Доколку Ливерпул го стави на трансфер листата, а по се изгледа тоа ќе се случи, сите екипи ќе се вклучат по неговиот потпис. Но, негова цел се Барселона и Реал Мадрид, Мохамед знае што е најдобро за него – додава Абутрика.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот