Ливерпул по пауза од 30 години конечно успеа да ја освои титулата во Премиер лигата, а еден од играчите се најзаслужни за големиот успех е и Мохамед Салах.

– Многу сум среќен, не можам со зборови да ги опишам чувствата бидејќи по пауза од 30 години ја освоивме титулата. Ја гледам радоста кај луѓето и колку е важно ова што го направивме – изјави Салах.

Египетскиот репрезентативец речиси цела сезона е дел од шпекулациите дека ќе си замине од Ливерпул и ќе се пресели во Реал Мадрид, ПСЖ или Јувентус. Сега Салах по освојувањето на титулата им упати порака и на навивачите на „црвените“ и на заинтересираните екипи.

– Уживам во атмосферата тука, го обожувам ова место и се надевам дека ќе се задржам уште долго време. Атмосферата тука е поинаква од било кое друго мкесто на кое сум играл. Сите се прилагодивме на тимот и нашето разбирање е соврешено. Доколку продолжиме вака, можеме да постигнеме поголеми успеси – порача Салах.