Здраво друштво, сте слушнале ли за „Спинер“? Не?! Е па, „Спинер“ е нова платформа што ги поврзува писателите и читателите на книги и им овозмоува тие заедно да ги создаваат продолженијата на книгите. Се сеќавате, на пример, на седмиот дел од „Хари Потер“, така? Кога вие би биле во улога на авторот, како би ја продолжиле приказната?

„Спинер“ платформата се користи многу едноставно, се регистрирате во еден чекор, потоа може да ја прелистувате библиотеката, и може да си ја одберете книгата која ви се допаѓа. Доколку во тек е изработување на наредно поглавје, можете на авторот да му предложите спинови во приказната, или да предложите сосема ново поглавје. На форумот на „Спинер“ можете да се запознавате, прашувате или споделувате идеи со авторите и со другите читатели. Тајмерот на „Спинер“, пак, ќе ви открие кога ќе се објави следното поглавје.

Аде да видиме како би ја продолжиле приказната за вашата омилена книга. Вклучете се на „Спинер“ (Spiner.mk.) и дајте свој спин на приказната.