Идејниот творец и член на жирито на емисијата на Х фактор, Сајмон Кауел итно е префрлен во болница во саботата вечерта по незгодата што му се случила.

Сајмон го тестирал електричниот велосипед во дворот на неговата вила во Малибу, но притоа паднал и го повредил грбот.

„Го скршил рбетот и во саботата попладне му е закажана операција“, пренесуваат странските медиуми.

Сајмон редовно користел електричен велосипед благодарение на кој минатата година изгубил околу 27 килограми. Поради моментната ситуација со коронавирусот, Кауел почнал да вежба дома, водејќи сметка за исхраната и променувајќи го стилот на живот.

Во моментот на несреќата со него била неговата девојка Лорин Силверман, нивниот 6-годишен син Ерик и 14-годишниот Адам, син на Лорин од претходната врска.