САД внимателно ги следат случувањата на руско-украинската граница
Портпаролот на американскиот Стејт департмент Нед Прајс изјави дека Вашингтон „ќе продолжи внимателно да ја следи” ситуацијата на руската граница со Украина.
Неговата изјава доаѓа откако Москва соопшти дека им наредила на војниците испратени во областите близу границата да се вратат во своите бази.
– САД, кои ја повикаа Русија да ги запре, како што ги нарече, „акциите за ескалација” близу границата, се запознаени со најавата на Москва, но чекаа повлекување, рече Прајс.
Тој додаде дека „ги слушнале зборовите, но оти смета дека она што ќе го побараат е акција”.
– Колку што знаеме, тоа останува најава. Затоа ќе продолжиме внимателно да ја следиме ситуацијата, рече Прајс.