САД СТРАВУВА ОД ДИПФЕЈК: „Залажувачките“ аудио и визуелни материјали земаат голем замав пред изборите

Загриженоста поради Дипфејк-технологијата зема сè поголем замав, па така, на пример властите во Калифорнија во пресрет на изборите 2020 година усвоија закон којшто забранува дистрибуција на „залажувачки” аудио или визуелни материјали пред изборите, објави „Вајрд”.

– Лажењето никогаш не изгледало толку добро. Постои загриженост дека на светско ниво ќе се појави движење што ќе го наруши квалитетот на информатичката сфера, како и на дискурсот потребен во демократијата, изјави Ајлин Донахоу, член на Комисијата за трансатлантски изборен интегритет.

Таа додава дека „дипфејковите” се следната генерација лажни вести.

Една од спорните точки на калифорнискиот закон е прашањето околу тоа – кој и како ќе се утврдува автентичноста на спорните видеа.

Повеќе технолошки центри работат на што поефикасен софтвер за таа цел. А пак, самиот развој на Дипфејк-технологија сè помалку и сè потешко дозволува тие софистицирани видеомонтажи да бидат откриени.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот