Во речиси сите православни храмови во православните земји од регионот и ширум светот, денес се одржуваат литургии по повод најрадосниот христијански празник Божиќ, а за славењата на српската дијаспора во Џексон, во сојузната американска држава Калифорнија, известуваат речиси сите американски медиуми.

Секаде се чита посланието на патријархот Иринеј, со кое православните верници се повикуваат на меѓусебно разбирање, љубов и прошка.

– Да се чуваме од тешките и невнимателно изговорени зборови, имајќи на ум дека општеството во кое живееме го создаваме токму со зборови. Благите зборови лечат, грубите повредуваат, а раните од зборовите често се погруби и од физичките рани – порача патријархот на СПЦ.

Божиќ по Јулијански календар слават верниците во Македонија, Српската и Руската православна црква, Ерусалимската патријаршија и Света гора, и дел од египетските Копти.

Србите во Џексон слават Божиќ откако таа комуна постои, но во последните десетина години тоа е вистински спектакл. Нема прослава додека не се истрелаат бројни куршуми во воздух. Во прилог, видеа од овој необичен настан.