-1 C
Скопје

САД со повеќе од три илјади смртни случаи во еден ден

САД регистрираа повеќе од 3.100 смртни случаи на коронавирус за еден ден, најмногу од почетокот на епидемијата, додека бројот на заразени Американци во болниците за првпат е повеќе од 100.000, а бројот на новозаразени надмина 200.000 за 24 часа, пренесе Бета.рс.

Според последните податоци објавени од Универзитетот Џон Хопкинс, 3.157 лица починале во последните 24 часа, што е срушен рекордот од 15 април, кога имало 2.603 смртни случаи.

Бројот на пациенти во болниците во моментов е најголем од почетокот на епидемијата и е зголемен за повеќе од двојно во последниот месец.

Овие податоци покажуваат дека САД влегуваат во уште подлабока криза, а можеби претстои најлошото, делумно поради последиците од Денот на благодарноста, кога милиони Американци ги игнорираа предупредувањата да останат дома и да го слават празникот со најтесното семејство.

Прочитајте и...  Првиот на СЗО со барање: Сакам да видам вакцинирање против ковид-19 во секоја држава во наредните 100 дена

Растот на бројот на смртни случаи, нови инфекции и хоспитализации низ САД силно го погодува здравствениот систем, бидејќи здравствените работници се преморени.

Сојузните држави имаат рок до петок да испратат барања за дози од вакцината на компанијата „Фајзер“ и да наведат каде треба да бидат испратени.

Поради очекувањето дека достапноста на вакцините ќе биде ограничена до пролетта, се очекува повеќето сојузни држави да ги следат упатствата на Центрите за контрола на болести, усвоени оваа недела, според кои здравствените работници и пациентите во домовите за стари лица треба први да ги добијат вакцините.

Извор: Бета.рс

Поврзани вести

За ЕУ нема алтернатива, членство во ЕЕЗ е само преодно решение

Слободен печат

Облачно со сончеви периоди и ветер, снег на југ

Слободен печат

Колку чини еврото денеска?

Слободен печат

Четвртиот пакет ги исклучи оние од третиот: Од 78.000 приговори за помош од 6.000 денари, прифатени само 2.132!

Соња Кириџиевска

Палењето знаме е примитивизам што треба да се казни

Соња Христовска Угриновска

На денешен ден – 16 јануари

Марина Дамческа

Остави Коментар