5 C
Скопје

САД разочарани од бугарското вето за Македонија, амбасадорката Брнз зборуваше за причините

Американската амбасадорка во земјава Кејт Мари Брнз во интервју за Гласот на Америка нагласи дека САД веруваат дека Македонија покажала оти е подготвена за нејзина прва меѓувладина конференција и се надеваат дека тоа ќе може да се случи што е можно побрзо.

– Разочарани сме од ветото на Бугарија поради бројни причини. Прво затоа што веруваме дека Северна Македонија беше подготвена да го почне процесот на отворање и затворање на поглавјата со ЕУ – изјави Брнз, додавајќи дека ветото носи ризик не само за Македонија, туку и за ЕУ, како и за прашањата поврзани со процесот на проширување во целина.

Брнз ја истакна ангажираноста на САД во регионот и во Македонија, во насока на поддршка на реформската агенда и осигурување дека пристапниот процес во ЕУ оди напред.

Прочитајте и...  Денеска се регистрирани 843 нови случаи на ковид-19, а починати се 11 лицa

– Прво би сакала да кажам дека САД се ангажирани во овој регион и во Северна Македонија со децении. Јас би кажала дека во изминативе неколку години и многу интензивно вклучени во поддршката на Северна Македонија да влезе во НАТО, во поддршката на нејзините аспирации и напори да се приклучи кон ЕУ, како и во проширување на економската соработка и регионалната соработка во целина. Јас верувам дека таквиот вид на соработка ќе продолжи, и се разбира пред се` ќе биде фокусирана на нашата поддршка за евроатлантската интеграција на Северна Македонија. Тоа е основа на нашата политика овде, и има многу работа да се заврши, во смисла на поддршка на реформската агенда, како и да осигураме дека пристапниот процес во ЕУ оди напред – кажа амбасадорката, одговарајќи на прашањето дали очекува администрацијата на новоизбраниот претседател Џо Бајден да изврши поголем притисок врз Бугарија за отстранување на ветото.

Прочитајте и...  Заев ги чека руските вакцини викендов, но не е сигурен дали ќе дојдат

Брнз смета дека е важно билатералните разговори помеѓу Македонија и Бугарија да продолжат и се надева оти дискусиите ќе продолжан на конструктивен начин и во интерес на двете страни.

Таа меѓудругото истакна дека е среќна што Законот за попис поминал во Собранието, наведувајќи дека ова е важен чекор, а Брнз нагласи дека нејзин приоритет претставува Македонија како најнова членка на НАТО да биде подготвена за да учествува како активен придонесувач во Алијансата.

Поврзани вести

Која е нишката што ја поврзува Македонија со кланот „Америка“

Слободен печат

Милета Миљаниќ, ака Мајк падна во Њујорк: Агентите на ФБИ му ставија лисици на рацете на водачот на кланот „Америка“

Слободен печат

Хелен Мирен ќе ја напише светската порака по повод Светскиот ден на театарот

Слободен печат

Вашингтон со критика до Пекинг заради наметнување на изборниот закон во Хонгконг

Слободен печат

ВИДЕО I Еден мигрант загина, а неколку се повредени во експлозија во минско поле во близина на Плитвице

Слободен печат

Захарова: Русија конструктивно ќе одговори на позитивните сигнали од САД

Слободен печат

Остави Коментар