САД размислуваат за проширување на обуката за украински војници

Украина војска EPA-EFE/ZURAB KURTSIKIDZE

Вашингтон размислува за значително проширување на својата програма за обука што американската војска ја обезбедува на украинските сили, изјавија неколку официјални лица за Си-Ен-Ен, кои известувaaт дека Американците може да обучуваат околу 2.500 украински војници месечно во американската воена база во Германија.

Оваа промена не само што значително ќе го зголеми бројот на Украинци обучени од американската војска, туку и различните видови обука. Во моментов, Украинците се главно обучени во релативно мали групи да користат специфично оружје. Но, доколку програмата драстично се прошири, како што сугерираат најавите, „значително поголеми групи украински војници ќе добијат обука за користење на софистицирани тактики на фронтот“.

Дополнително, проширувањето на програмата за обука би значело „многу поинтензивна и сеопфатна обука“ од она што Украинците моментално го добиваат во Британија или Полска. Администрацијата на американскиот претседател во моментов го разгледува предлогот за драстично проширување на програмата за обука.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот