САД воведуваат блокада на повеќе сегменти од јавниот живот заради сузбивање на ширењето на коронавирусот и таа ќе трае од 10 до 12 недели, или до почетокот на јуни.

Американците се прилагодуваат на најголемата промена во секојдневниот живот по Втората светска војна со затворени училишта, откажување на спортските настани и економски пресврт зошто губењето на работни места растат со затворањето на претпријатија во многу индустрии.

Болниците се обидуваат да набават заштитна опрема за здравствените работници и респиратори зошто се подготвуваат за бран пациенти на кои ќе им биде потребна помош за дишење. Бројот на заразени во САД се искачи на над 25.000 во неделата наутро, а најмалку 325 луѓе починаа, при што отприлика, половина од случаите се во државата Њујорк, пренесува Ројтерс.

Вирусот уби над 13.000 лица ширум светот, а над 300.000 се заразени.

Законодавците во Вашингтон се приближуваат до договор кој би можел да уфрли рекордни 1.000 милјарди долари во стопанството и така да ја ограничи економската штета од коронавирусот.
Американскиот министер за финансии Стивен Мнучин за Фокс Њуз рече дека се надева дека Конгресот за тој закон че гласа во понеделник. Предложените исплати на просечно четиричлено семејство би биле 3.000 долари и засега тие би биле само еднократни, рече тој.

Речиси секој четврти Американец, или 80 милиони, добија наредба да ги затворат продавниците и да останат дома зошто Њујорк, Калифорнија, Илиноис, Орегон, Конектикат и Њу Џерси покренаа карантин.

„Ако на луѓето не им кажеме да останат дома и да престанат меѓусебно да се дружат онака како што знаат, ќе видиме се повеќе и повеќе, илјадници повеќе, десетици илјади смртни случаи повеќе отколку ако не го направиме тоа, рече гувернерот на државата Илиноис Џеј Би Прикер за Си Ен Ен.