САД подготвени за преговори со Русија за нуклеарното вооружување

бела куќа фото МИА

Белата куќа е подготвена на преговори за идна рамковна основа за контрола на нуклеарното оружје без прелиминарни услови, и покрај тоа што Вашингтон презема контрамерки во одговор на решението на Русија да го запре дејството на последниот договор за контрола на атомското оружје склучен меѓу двете страни.

Џејк Саливан, советник за национална безбедност во Белата куќа, во својот настап пред Асоцијацијата за контрола на вооружувањето денеска се очекува да даде до знаење дека администрацијата на претседателот Џо Бајден сака да започне преговори за создавање нова рамковна основа.

Ова го соопшто анонимен американски топ службеник на админстрацијата запознат со текстот на настапот.

Рускиот претседател Владимир Путин во февруари објави дека го запира важењето на договрот СТАРТ 3, што меѓудругото предвидува вршење заемни инспекции на атомските глави и ракети. Тој тогаш изјави дека Москва ќе ги запазува ограничувањата за количините на атомското оружје согласно договорот.

Стејт департментот вчера објави контрамерки на чекорот на Путин. Контрамерките, четири на број, вклучуваат истапување од споделувањето инфрмации два пати годишно, прекин на известувањато до Москва, недозволување инспекции и необезбедување телеметриски информации на лансирањата на интерконтинетални и подморнички балистички проектили.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот