САД најавија нови санкции насочени кон руската одбранбена индустрија

САД-Русија/ Илустративно фото: ЕПА

САД воведуваат санкции за државните руски претпријатија насочени кон одбраната, со цел „да ја ограничат способноста на Русија да ја замени воената опрема што веќе ја изгуби за време на бруталната војна против Украина”, изјави висок претставник на Белата куќа, јави ДПА.

Говорејќи на маргините на самитот на Г7 во јужна Германија, официјален претставник рече дека Вашингтон ќе воведе повисока царина за повеќе од 570 групи руски производи во вредност од приближно 2,3 милијарди долари.

„Лидерите на Г7 ќе ги усогласат и прошират насочените санкции за дополнително да го ограничат пристапот на Русија” до западната технологија што може да ја поддржи руската индустрија за оружје, соопшти претставникот на Белата куќа.

Американскиот претседател Џо Бајден и неговите колеги лидери на Г7 ќе побараат овластување да ги стават сите приходи од царините на руските стоки кон украинските воени напори, рече тој.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот