САД ќе ја затворат амбасадата во Багдад доколку продолжат ракетните напади

epa08096735 Members of Iraqi Shiite 'Popular Mobilization Forces' armed group and their supporters carry a picture of Iraqi Shiite Muslim spiritual leader Sayyid Ali Husseini Sistani at the entrance of the US Embassy during a protest in Baghdad, Iraq, 31 December 2019. According to media reports, the US ambassador and other members of the staff were evacuated as dozens of people broke into the embassy's compound after setting fire to the reception area. The attack at the embassy follows a deadly US airstrike that killed 25 fighters of the Iran-backed militia on 29 December. EPA-EFE/AHMED JALIL

САД денеска го предупредија Ирак дека ќе ја затворат својата амбасада во Багдад, доколку владата не преземе брзи и решителни чекори да ги прекине ракетните и други напади од проирански милитанти и други вооружени групи врз нивното и сојузничкото присуство во земјата, соопштија ирачки и други официјални претставници.

Американски службеник, кој сакаше да остане анонимен, изјави дека биле предупредени и ирачкиот претседател и премиерот, но дека не станува збор за неизбежен ултиматум, пренесоа американските медиуми.

Предупредувањето од администрацијата на американскиот претседател укажува на зголемената фрустрација и бес поради континуираните ракетни напади од проирански групи врз американската Амбасада во Багдад или нејзината околина, додека САД го зголемуваат притисокот врз Иран со повторно воведување санкции.

Американскиот државен секретар, Мајк Помпео, оваа закана за евакуација на амбасадата прво му ја упатил на претседателот на Ирак во телефонски разговор во вторникот, а потоа во саботата и на ирачкиот премиер.

САД се уште немаат издадено официјално предупредување за затворање на амбасадата во Багдад.

Ирачки милитантни групи денеска изведоа нов напад во Багдад, последниот во низата ракетни и минофрлачки напади врз американсото присуство во Ирак, вклучувајќи ја и американската Амбасада во Зелената зона.

Во Багдад загинаа најмалку пет луѓе откако ракета погоди приватна куќа

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот