САД ќе ги надоместат четирите изгубени години во борбата против климатските промени

epa08964929 US President Joe Biden signs executive action with Vice President Kamala Harris and Secretary of Defense Gen. Lloyd Austin, in the Oval Office at the White House, in Washington, DC, USA, 25 January 2021. EPA-EFE/Doug Mills / POOL

Светот мора да преземе решителна акција за зајакнување на отпорноста кон разорните ефекти од климатските промени, изјави американскиот посредник за клима Џон Кери на денешниот глобален виртуелен самит, ветувајќи дека новата американска администрација на Џо Бајден ќе има своја улога во тоа.

– Горди сме што се вративме (во Парискиот договор за климата). Сакам да знаете дека тоа го сторивме со понизност по четири години отсуство и ќе сториме сè што е во наша моќ да го оствариме, рече Кери во видеопораката на Самитот за климатско адаптирање чиј домаќин е холандската Влада.

Во првите часови од неговиот претседателски мандат минатата недела, Бајден потпиша извршна наредба за враќање на САД во историскиот Париски договор за климата од 2015 година, со што се поништи повлекувањето на Доналд Трамп, кој ја исмејуваше науката за климатските промени предизвикани од човековата активност.

Кери рече дека администрацијата на Бајден работи на скоро објавување на повеќе амбициозни цели за намалување на емисиите на гасови со ефект на стаклена градина.

Извор:МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот