САД ја отфрлија понудата на Путин да купат најнови руски ракети

САД не ја прифаќаат понудата на рускиот претседател Владимир Путин да купат најново руско оружје како суперсонични ракети затоа што се технолошко понапредни во оваа област, изјави синоќа неименуван претставник во Администрацијата на Вашингтон.

Откако САД и Русија го напуштија договорот за ракети со мал и среден дострел, Москва тврди дека развива оружје со дострел од 500 до пет илјади километри, вклучувајќи и суперсонични ракети на нуклеарен погон, јави дописникот на МИА од Вашингтон.

Путин завчера на средба во Владивосток изјави дека испратил предлог до американскиот претседател Доналд Трамп да купи руско оружје, вклучувајќи и суперсонични ракети.

Претходно, советникот за национална безбедност на Трамп, Џон Болтон, ја обвини Русија за кражба на најнови ракетни технологии од САД, а раководителот на Пентагон, Марк Еспер, потврди дека САД наскоро ќе претстават свое суперсонично оружје.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот