САД: И Русија и Кина активнo дејствуваат на Балканот

Русија и Кина се активни како надворешни сили на Балканот, а посетата на државниот секретар Мајкл Помпео таму е начин „да се одговори на тој предизвик”, велат високи претставници на Стејт департментот.

Балканот е „стратешки многу динамичен регион” со надворешни сили. „Кина го купува пристаништето Пиреја, Русија покажува лошо однесување во Северна Македонија, Русија се обидува да манипулира со Православната црква – запомнете дека пред околу две и пол години Грција протера четворица Руси за нивно учество … во несоодветни активности поврзани со црквата”, изјави портпарол на Стејт департментот.

Брифингот беше по повод дводневната посета на Помпео на Грција.

Според друг портпарол на Стејт департментот, целта на посетата била „обединување на сите аспекти на американската моќ и американската дипломатија за да се одговори на овој предизвик” од Русија и Кина во регионот.

Од 27 септември до 2 октомври, Помпео е на турнеја низ Европа, при што ја посети Грција и ќе престојува во Италија, Ватикан и Хрватска.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот