САД ги поддржуваат напорите на ЕУ членките да им помогнат на Македонија и Бугарија полесно да дојдат до решение
По понудата на Австрија да посредува меѓу двете држави, портпаролот на Стејт департментот, одговарајќи на прашање на Гласот на Америка, рече дека САД ги охрабруваат напорите на ЕУ, и повтори дека билатералните спорови треба да се решаваат надвор од ЕУ процесот, објавува „Гласот на Америка“.
„Историскиот Преспански договор покажа дека државите во Западен Балкан се способни да исполнуваат тешки работи, да прават компромиси и да наоѓаат решенија. Убедени сме дека Бугарија и Северна Македонија ќе го направат истото преку преговарање на нивните билатерални спорови надвор од пристапниот процес со ЕУ. САД ги охрабруваат сите напори на ЕУ и нејзините земји-членки да им помогнат на страните полесно да го постигнат овој резултат“, изјави портпаролот на Стејт департментот.
Тој, исто така, додаде дека САД се силни поддржувачи на кандидатурите за членство во ЕУ на сите аспиранти од Западен Балкан.
