САД би можеле повлечените војници од Авганистан да ги распоредат во Узбекистан и Таџикистан

epa09175426 A handout photo made available by Afghanistan's Ministry of Defense shows a US soldier and an Afghan National Army (ANA) soldier shaking hands during a handover ceremony to the Afghan National Army (ANA) army 215 Maiwand corps at Antonik camp in Helmand province, Afghanistan, 02 May 2021 (issued 03 May 2021). General Scott Miller the commander of the US forces in Afghanistan on 25 April 2021, warned of a tragedy if the Taliban returns to violence instead of sticking to the ongoing peace process. EPA-EFE/Ministry of Defence HANDOUT HANDOUT EDITORIAL USE ONLY/NO SALES

САД размислуваат за распоредување на своите војници повлечени од Авганистан во земјите од Централна Азија, особено Узбекистан и Таџикистан, објави Волстрит журнал, повикувајќи се на сопствени извори.

Според нив, по повлекувањето на војниците од Авганистан, Вашингтон размислува да ги распореди во други земји, како „поддршка на авганистанската Влада, контрола на активностите на талибанските бунтовници и следење на други екстремисти”.

Узбекистан и Таџикистан, кои граничат со Авганистан, се сметаат за најсоодветни опции од географска гледна точка.

– Сепак, големото воено присуство на Русија во регионот, растечкото влијание на Кина и тензиите во односите со Вашингтон ги усложнуваат плановите за (воспоставување) бази во Централна Азија, пишува весникот.

Извори на „Волстрит журнал” истакнуваат дека раководството на САД сè уште не упатило официјални барања за формирање воени бази на територијата на овие земји. Истовремено, повлекувањето на американските трупи од Авганистан, според извори на весникот, би можело да заврши пред предвидениот рок до јули.

Доколку не може да се постигне договор за распоредување на американската војска на територијата која граничи со Авганистан, американското раководство ќе биде подготвено да размисли за нивно пренесување во земјите од Персискиот Залив, пишува весникот. Освен тоа, се разгледува и резервна опција за распоредување на носач на авиони во регионот, што ќе овозможи извршување операции за кратко време, вклучително и за заштита на американската амбасада во Кабул. Весникот потсетува дека во 2001 година американски војници беа распоредени во бази во Киргистан и Узбекистан, но целосно ги напуштија во 2005, односно 2014 година. 

Видео на денот