Сабаленка и се реваншира на Барти и ја освои титулата во Мадрид
Белоруската тенисерка Арина Сабаленка е нова шампионка на Мастерсот во Мадрид откако во финалето ја победи првата тенисерка на ВТА ранг листата, Ешли Барти со 6:0,3:6,6:4.
Овој дуел дојде само две недели откако истите тенисерки играа во финалето на турнирот во Штутгарт кога победи Барти.
𝗦𝗘𝗡𝗦𝗔𝗧𝗜𝗢𝗡𝗔𝗟 Sabalenka 🚀
🇧🇾 @SabalenkaA upsets World No.1 Barty 6-0, 3-6, 6-4 to clinch a 10th career WTA title at the @mutuamadridopen!#MMOPEN pic.twitter.com/8xjmrME3Dt
— wta (@WTA) May 8, 2021
Првиот сет на убедлив начин и припадна на Сабаленка со максимални 6:0 за само 26 минути игра. Првата тенисерка на светот возврати во вториот сет кога три пати го освои сервисот на противничката и дојде до израмнување на 1:1 во сетови.
Одлучувачкиот сет помина во израмнета игра на двете тенисерки без многу шанси за брејк. Барти не ги искористи своите две брејк шанси во четвртиот гем, додека Сабаленка во деветтиот гем ја искористи првата брејк топка за водство од 5:4 по што во наредниот гем со сигурен сервис успеа да дојде до победата.