Русковска: Сопственикот на „Беса транс“ возел еден од автобусите

„Беса транс“
Фотографија од официјалната Фејсбук страница на „Беса транс“ со која го најавиле патувањето на автобусот во Истанбул / Фото: Фејбук, „Беса транс“

Четири автобуси на „Беса транс“ тргнале од Турција, но тие ја минале границата со Бугарија во различен период бидејќи дел од патниците инсистирале да одат на шопинг, а токму ова е причината за тоа зошто конвојот се раздвоил. Обвинителката Вилма Рускоска во изјава за телевизија „Телма“ ги соопшти деталите кои на обвинителите за несреќата им ги открил сопственикот на „Беса транс“.

Таа вели дека и тој бил еден од возачите.

– Всушност сопственикот бил и како втор возач. Тој кажа дека овој автобус возел позади нив. Значи тие веќе биле стигнати на граничниот премин во Бугарија, по излегување од Турција, а овие биле еден или два автобуси позади нив. Тогаш ми кажа дека тој и сопругата биле во тој вториот автобус, додека пак во четвртиот биле неговите деца – истакна Рускоска.

Според неа, сопственикот бил видно вознемирен и потресен.

– Го прашав дали носеле резервни канти со гориво, вика дека нема шанси тоа да се случило – вели Рускоска.

Во катастрофалната автобуска несреќа во Бугарија што се случи на автопатот „Струма“ на 23 ноември загинаа 45 лица, а седуммина беа повредени.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот