6 C
Скопје

Русковска: Само Груевски има дадено исказ во случајот за парцелите на Водно

Околу 1,3 милиони евра биле префрлени од фирма од Белизе на фирма ќерка во земјава во случајот со парцелите на Водно, за кој неодамна беше покрената истражна постапка. Во моментов се испитуваат сведоците, по што ќе биде извршено и вештачење. Потоа ќе треба да бидат испитани и обвинетите во случајот. Засега исказ има дадено само првообвинетиот Н.Г. кој е во бегство, а против кого во друг случај имаше и осудителна пресуда, рече Вилма Русковска, јавен обвинител за организиран криминал во гостување во Студио 10 на ТВ 24.

Фирма од Белизе, рече таа, отворила фирма ќерка во Македонија, а второсомничениот Р.Н е назначен како управител на таа фирма.

-Околу 1,3 милиони евра биле префрлени од мајката фирма на Белизе на ќерката фирма овде. Знаеме на кој датум колку средства се префрлани, сомнителните трансакции банките треба да ги пријавуваат. Мислам дека од кипарска банка се стигнати парите, појасни Русковска.

Прочитајте и...  Успешно е извршена втората трансплантација на срце во Македонија, млад маж доби нова шанса

Таа додаде дека треба уште некои сведоци да бидат сослушани, по што предметот ќе оди на материјално-финансиско вештачење.

-Ограничени сме со времетраењето на притворот, на три месеци. Никој од осомничените не се испитани, прво тоа го правевме со сведоците. Добро за нас е што првоосомничениот кој е недостапен во државава е испитан затоа што има дадено исказ конкретно за перење пари, пред да пребегне, рече Русковска, шеф на Обвинителство за организиран криминал во Студио 10 на ТВ24 коментирајќи ја новата истрага за „плацеви на Водно”.

Таа во емисијата говореше за натамошната борба против корупцијата и организираниот криминал и најави дека обвинителството во сите случаи каде има докази ќе покрене и истражни постапки и обвиненија. Побара и поддршка од граѓаните со тоа што ќе пријавуваат случаи на корупција.

Прочитајте и...  Општина Тетово: Свлечиштето кон Бањиче е последица на планирани активности

Прашана до каде е случајот „Империја” обвинителката исткна дека се чека одговор од респектабилна институција дали ќе изврши вештачење, во кое, како што рече, никој подоцна не би можел да се посомнева или да го доведува во прашање.

-Станува збор за специфичен предмет и сакаме да го вештачат луѓе и институција со интегритет, за да утре никој не се посомнева во наодот на вештите лица, рече таа.

Во врска со предметот за организаторите за настаните од 27 април, обвинителката Русковска истакна дека следното рочиште е закажано 28 октомври. Очекува осудителна пресуда за сите кои се обвинети во случајот. Мислам, рече таа, дека имаме доволно докази во потекрепа на обвинението што го поднесовме.

Прочитајте и...  ВИДЕО: Пентагон потврди, објавената снимка со НЛО е вистинска

Поврзани вести

Вучиќ: Србија ќе биде велесила во производството на вакцини

Слободен печат

Лекарот на Навални предупреди дека неговото здравје се влошува

Слободен печат

ВИДЕО: Пентагон потврди, објавената снимка со НЛО е вистинска

Слободен печат

Чешка протера 18 руски дипломати, обвинети се дека работеле за специјални служби

Слободен печат

Вучиќ за нон – пејперот на Јанша: Ниту сум видел мапа, ниту пак план – се залагам за постојните граници

Слободен печат

Веља Невоља и Месар во паника: Пронајдена ДНК трага од нивна жртва – мислеа дека ако „нема тело – нема дело“

Слободен печат

Остави Коментар