Рускоска: Чест е да го водам новото ЈО, но прерано е за честитки – Слободен печат
ВестиВи ПрепорачувамеМакедонија

Рускоска: Чест е да го водам новото ЈО, но прерано е за честитки

За тоа дали во новото ЈО би ги вклучила и обвинителите од досегашното СЈО, вели дека и претходно изјавила дека во тоа Обвинителство има многу добри обвинители, многу способни така што со задоволство би соработувала со нив. 

Јавната обвинителка за организиран криминал Вилма Рускоска вели дека е чест што е предложена да го води новото Јавното обвинителство за организиран криминал и висока корупција, но смета дека е премногу рано за честитки.

– Чест е во секој случај за кој било обвинител, така и за мене тоа што го предложи премиерот, но мислам дека е премногу рано и за честитки и за што било друго затоа што сепак тоа е Предлог-закон кој треба да оди во собраниска процедура. Може да има многу амандмани и не знаеме  конечната верзија на тој закон како ќе излезе од Собранието, вели Рускоска во интервју за емисијата „Код” што ќе се емитува во неделното издание, дел од кое беше пренесено вечерва во дневникот на ТВ Телма.

Таа истакнува дека не го чувствува предлогот како награда.

– Како може нешто да чуствувате како награда кога ќе имате повеќе работа отколку што сте имале. Мислам дека не може да стане збор за награда, посочува Рускоска.

За тоа дали во новото ЈО би ги вклучила и обвинителите од досегашното СЈО, вели дека и претходно изјавила дека во тоа Обвинителство има многу добри обвинители, многу способни така што со задоволство би соработувала со нив.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close