Залудно се надеваше Генералниот секретар на НАТО, Јенс Столтенберг дека не очекува евентуалната руска реакција на членството на С.Македонија во Алијансата.

Се случи токму спротивното. Руското МНР остро реагираше на приемот на нашата земја во НАТО пред два дена кога беше подигнато македонското знаме во седиштето на Брисел

Курсот на НАТО кон нејзиното проширување создава само нови линии за разделување, велат од руското МНР во пресрет на пристапувањето на Македонија во алијансата.
-Очигледно е дека приемот на Скопје во алијансата не носи дополнителна вредност за европската, регионалната или националната безбедност. Овој чекор сигурно не придонесува за обединување на напорите за борба против вообичаени закани и предизвици, вклучително и пандемија на коронавирус, се вели во соопштението.
Токму поради пандемијата со корона вирусот пропаднал овј настан да се прикаже на помпезен начин, сметаат во Руското МНР.
-Среде вонредната состојба прогласена во земјава, лидерите на Северна Македонија, сепак, не ја пропуштија можноста помпезно да се изјаснат за историската природа на пристапувањето во НАТО, што наводно ја гарантира стабилноста и безбедноста на Скопје. Министерот за надворешни работи, Никола Димитров, дури и го нарече членството во организацијата „по наредба на татковците и дедовците “, стои во соопштението.
Сепак, она што остана незабележано руското Министерство за надворешни работи е фактот дека пристапувањето на Северна Македонија во алијансата скоро се совпадна со датумот на почетокот на бомбардирањата на НАТО од поранешна Југославија.