Српските служби започнаа да ја „составуваат сложувалката“ за шпионската афера
Рускиот разузнавач Георгиј Клебан, кој беше забележан на снимките како разменува пари со српски офицер, сега е надвор од Србија, рече вечерва Реља Жељски, началник на Управата за аналитика на Безбедносно-информативнатa агенција на Србија (БИА).
Жељски потврди за националниот сервис РТС и дека домашните безбедносни сили го знаат идентитетот на човекот со офицерски чин, како и што било предмет на трговија, но не сакаше подетално да зборува за тоа, бидејќи случајот спаѓа во „чувствителната територија на оперативното собирање и анализарање на податоци“.
БИА претходно денес потврди дека снимката е автентична. Жељски рече дека сцените кои може да се забележат на снимката се „чести во разузнавачките кругови“ и дека домашните разузнавачки служби ја „составуваат сложувалката“ со сите детали во врска со неа.
– Ова е многу реална ситуација и би биле зачудени колку често се вакви настани се случуваат на улиците на Белград и низ другите градови ширум светот – рече Жељски, додавајќи дека сцените на прегрнување со агентот на снимките „не се неочекувани, ниту пак спектакуларни“.
– Рускиот разузнавач се однесува природно на оваа снимка, а во моментов е надвор од територијата на Србија. Ова е еден во низа на начините на кои работат припадниците на разузаванчките структури и нивните агенции – истакна тој.
Претседателот Александар Вучиќ за утре закажа седница на Советот за национална безбедност поради скандалот кој ја потресе целата српска јавност.