Руски воени експерти со нова воена стратегија против можен американски десант на нивна територија
Руските воени експерти предложија нов метод за борба против потенцијалното слетување и истоварување на американската армија од морето на руска територија.
Станува збор за синхронизирана употреба на авијацијата и на рој мали офанзивни дронови за изведување на вооружени напади .
Како што е наведено во написот објавен во весникот „Воздухопловни и вселенски сили. Теорија и практика “, Русија има долга морска граница, ја развива Северната морска рута,а од друга страна постојат претензии на руската територија на Далечниот Исток и други региони, а во тек е натпревар за освојување на ресурсите на Арктикот. Научниците истакнуваат дека актуелното прашање е ефективни начини за борба против можен воен десант врз Русија од море.
„Денес, можниот противник значително ги зголеми своите борбени способности за слетување од морето со вклучување нови универзални бродови за десант и искрцување и потоа освојување на дел од руска територија “, велат експертите, додавајќи дека американските сили поседуваат различни амфибиски возила со кои можат да навлезат на руско копно
Тие предлагаат силите на евентуалниот непријател да бидат нападнати со мали дронови пред да слетаат.
„ Откако ќе бидат забележани непријателските трупи беспилотните летала би биле упатени во одредена област и, со помош на противпешадиски мини и муниција од мал калибар, ја напаѓаат армијата, хеликоптерите и авионите кои с епревезуваат на палубите на бродовите , и ги уништуваат непријателските радарски антени “, велат руските воени научници.
Во исто време, беспилотните летала фрлаат мали радио станици врз непријателските бродови, кои емитуваат радио сигнали и на тој начин ги означуваат целите за хеликоптерите и авионите кои потоа би биле уништени од руските наведувачки ракети.
Авторите на статијата посочуваат дека таквите активни акции ќе овозможат распоредување на оружјето на копнените сили на брегот и, на крајот, ќе ги расипат воените освојувачки планови на противниците.