Руски воени виролози пристигнаа во Италија за да им помогнат на лекарите во Ломбардија во борбата против коронавирусот, соопштено е денес од руското Министерство за одбрана, пренесува „Тасс“.

Во заедничка акција на рускиот воен тим за радиолошка, хемиска и биолошка одбрана и италијански воени експерти, извршена е дезинфекција на 4.000 квадратни метри на болници и болнички кругови, во рамки на договорот за руска помош кој минатата недела го постигнаа рускиот претседател Владимир Путин и премиерот на Италија Џузепе Конте.

Во периодот од 22 до 25 март во Италија слетаа 15 воени руски авиони со околу 100 експерти на руското Министерство за одбрана.

Вкупниот број на заразени во Италија достигна 86.500, што ја надмина бројката на заболени во Кина.

На болеста и подлегаа повеќе од 9.000 Италијанци, а 11.000 се оздравени од Ковид-19.