Руски суд сака да му ја одземе ќерката (13) на таткото, откако таа нацртала антивоен цртеж за време на часовите по уметност во училиште, пишува „Скај њуз“. Алексеј Москалиев и неговата ќерка Маша го привлекоа вниманието на руската полиција минатиот април кога тинејџерката нацртала антивоен цртеж на кој е прикажана жена која штити дете од ракети и украинското и руското знаме.

Russian student's anti-war drawing leads to father's arrest and daughter's potential shelter placement.
Alexey Moskalyov, the father of Masha Moskalyova, a sixth-grader from Russia's Tula region, has been apprehended by the police following a major uproar…
1/ pic.twitter.com/OO5JP4PN4Y

— Free Russia Foundation 4freerussia.org (@4freerussia_org) March 1, 2023

Цртежот го пријавила нејзината учителка, па агенти на руската тајна служба ФСБ ја посетиле Маша на училиште, објави независната организација за човекови права ОВД-Инфо. Неколку дена подоцна, нејзиниот татко бил обвинет за „дискредитација на руската армија“ со антивоени коментари што ги објавил на социјалните мрежи.

Во декември била отворена кривична постапка против Москалиев, а неговата ќерка била преместена во сиропиталиште. Денеска ќе се одржи рочиште на кое ќе се одлучи дали на Москалиев дополнително ќе му се ограничат родителските права. Доколку судот донесе таква одлука, неговата ќерка Маша може формално да биде задржана во сиропиталиште