Руски рок музичар доби парична казна од 50.000 рубљи: Шевчук е против руската инвазија врз Украина
Популарниот руски рок музичар, пејач и текстописец Јуриј Шевчук е казнет од својата родна земја поради осуда на офанзивата против Украина и критиките упатени кон претседателот Владимир Путин за време на својот концерт. Рускиот суд го прогласи музичарот за виновен поради „јавно дејствување насочено кон дискредитирање на руските вооружени сили“ и го осуди на парична казна од 50.000 рубљи или околу 800 евра, пренесува „Тhe Мoscow Тimes“.
View this post on Instagram
Шеесет и петгодишниот Шевчук на 18 мај пред својата публика пеел „татковината не смее да биде постојан полтрон на претседателот“. „Сега луѓе се убиваат во Украина, зошто? Нашите момчиња гинат во Украина, зошто?“, „Поради наполеоновите планови на нашиот Цезар“, биле деч од зборовите на музичарот поради кои се соочува со казна.
View this post on Instagram
Шевчук, кој денес не се појавил во судницата бидејќи е позитивен на коронавирус, испратил пишана изјава преку својот адвокат, Александар Передрук, каде нагласил дека „секогаш бил против војна насекаде во светот“.
„Сите проблеми и сите тешкотии од политичка природа меѓу држави и народи мора да се решаваат преку дипломатски канали“, се наведува во писмената изјава од страна на музичарот.
View this post on Instagram
Шевчук, водач на рок групата ДДТ, доста позната во поранешен СССР, со години го осудува влијанието на Владимир Путин. Пред ерата на Путин, Шевчук се истакна со кампања против војната во Чеченија од 1994 до 1996 година.