Руски фудбалер не сакал да клекне пред натпревар, добил отказ од американска екипа
Еден од симболите на движењето „Black Lives Matter“ клечењето за време на интонирањето на химната на САД како еден вид на борба против расната нееднаквост. Но, не сите спортисти се согласуваат на овој чекор.
Во англиската Премиер лига клечењето пред почетокот на натпреварите станаа вообичаена пракса, но во Формула 1 поголем број на возачи одбија да клекнат пред стартот на трките.
Во САД, клечењето е речиси задолжително, а доколку не се почитува следи суспензија или отказ. Валериј Сарамутин, руски фудбалер кој е роден во САД, поточно во Њу Џерси, е вистински пример за тоа бидејќи доби отказ од второлигашот Остин.
– Не сакав да клекнам, а во клубот имаа прашања за мене поради тоа. Тренерот ми рече дека треба да размислам за својата постапка, претседателот ми кажа дека тоа е израз на респект, а јас одговорив дека не разбирам зашто тоа мора да се прави – изјави Сарамутин за рускиот „Спорт Експрес“.
Оттогаш тој не одигра ниту еден натпревар за Остин, а потоа клубот го суспендира и неодамна му врачи отказ.