Руски бомбардери способни да носат нуклеарни бомби видени во база близу Финска, алармира Израел
Израелската разузнавачка фирма ImageSat International (ISI) открила „нередовно присуство“ на руски стратешки бомбардери ТУ-160 и ТУ-95 распоредени во воздухопловната база Олења во близина на Финска, пишува „Jerusalem Post“
Според сателитски снимки направени од фирмата, четири бомбардери ТУ-160 биле забележани на 21 август и три ТУ-95 на 25 септември. На 12 август, во базата немало стратешки бомбардери.
„Преку тековните модели, системот укажува дека воздушната база Енгелс е можната појдовна точка на стратешките бомбардери откриени во воздухопловната база Олења“, се вели во извештајот.
Во воздухопловната база Енгелс се сместени единствените руски стратешки бомбардери стационирани во близина на Украина, а таа е и домашна база за 121-от авијациски полк за тешки бомбардери (121 TBAP) што лета со ТУ-160 и ТУ-95.
Бомбардерите, способни да носат крстосувачки ракети и стратешко нуклеарно оружје, се активни во украинската војна по инвазијата на Москва во февруари, пишува „Jerusalem Post“.