Руската амбасадорка во Софија бара од Москва да ја затвори својата амбасада во Бугарија

руска амбасадорка во БугаријаЕлеонора Митрофанова: Фото МИА

Амбасадорката на Русија во Бугарија, Елеонора Митрофанова преку Фејсбук профилот на амбасадата најави дека ќе им предложи на руските власти да ја затворат нејзината амбасада во таа земја, јавува дописникот на МИА од Софија.

Ултиматумот на Митрофанова истекува во 12 часот, ќе останат ли руските дипломати во Бугарија

Според Митрофанова, затворањето на руската амбасада во Бугарија неминовно ќе доведе до затворање на бугарската амбасада во Москва.

Според Митрофанова, одговорноста за понатамошните тешки последици од овој чекор е целосно на Владата на бугарскиот премиер во оставка Кирил Петков.

Дописникот на МИА од Софија потсетува дека Митрофанова постави ултиматум до бугарското МНР да ја укине нотата со која 70 руски дипломати се прогласени за персона нон грата или ќе му предложи на руското Министерство за надворешни работи да ја затвори руската амбасада во Бугарија. Таа денеска го посети бугарското Министерство за надворешни работи за да се запознае со одлуката на властите во Софија.

Бугарскиот премиер во оставка Кирил Петков изјави дека странските амбасадори не можат да поставуваат ултиматум.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот