Откако минатата година ги добија податоците од антодопинг лабораторијата во Москва, истражителите на ВАДА се фокусираа на истрагата која опфати 298 спортисти за кои се пронајдени докази и против кои е покрената постапка.

ВАДА притоа откри дека спортистите настапуваат во дури 27 спортови.
– Руската допинг криза доминираше во поглед на нашето вложено време и средства во последните пет години. Сакам да им се заблагодарам на сите истражители на професдионалната работа. Исто така мора да им се заблагодарам и на организациите кои работат и ќе работат да го зачуваат спортот чист и пред лицето на правдата ќе донесат што е можно повеќе допингувани спортисти – изјави Витолд Банка, претседателот на ВАДА.

Сепак, јавноста смета дека процесуирањето на овие случаи ќе оди многу тешко. ВАДА тврди дека од добиените податоци од лаборатортијата во Москва има докази дека имало манипулации со тестовите и резултатите, и дека притоа се подметнувани лажни траги.

Според одредени информации ВАДА за 145 од 298 руски спортисти кои се под истрага пронашла докази за манипулација со допинг тестовите.